Overblog Suivre ce blog
Editer l'article Administration Créer mon blog
29 août 2017 2 29 /08 /août /2017 12:41

COSINA E MÒSTRAS
Vaquí doas mòstras plan interessantas d'anar véser :

- l'una a Castèlnau d'Ari d'aicí lo 17 de setembre
- l'autra a l'Abadiá de Belleperche, en Tarn-e-Garona, d'aicí la fin d'octobre.

A LA TAULA LAURAGUESA

Una mòstra gostosa
Vos cal pas mancar d'aicí lo 17 de setembre d'anar véser al Musèu de Lauragués a Castèlnau d'Ari la mòstra A taula ! concebuda pel GARAE.
Una descobèrta agradiva de la cosina en Lauragués a travèrs los tèxtes (August Forés, Paul Fagot, Félicien Pariset, Jean Lebrau, Paul Sibrà), los imatges (en particulièr, los supèrbes dessenhs etnologics del Paul Sibrà), los objèctes… per presentar lo biais de manjar de la societat lauraguesa, mai que mai campestrala.

Tres produits ressortisson : lo milh (que prenguèt la plaça del milhet, lexicalament e gastronomicament !), los favòls e la vinha. Se parla caçolet e milhàs. Se conta una istòria-legenda de l'Enric IV, del milhàs e de las… talhas (los impòsts !) del costat de Castras. Se conta los repaisses de l'ivèrn e los de l'estiu, la consomacion de vin (copat d'aiga pels vailets…) ; se descriu las cosinas de nòstres aujòls...

Una brava part de la mòstra es dedicada a las terralhas e poiretz veire lo film virat cò dels terralhièrs Nòt al Mas de Santas-Puèlas fa gaire.

Visions modèrnas
Una sala (que pertòca mens, mas podètz èsser d'un avís diferent) presenta - en ligason amb Les Abattoirs (?!!!) - unas visions modèrnas del manjar : retendrem los ligombaus de ferralha del Felip Hortalà.

COSINA E MÒSTRAS

LO MONDE DELS CULHIÈRS

Se passatz del costat de de Castèlsarrasin d'aicí lo 31 d'octobre, anatz doncas a l'abadiá de Belleperche (www.belleperche.fr) per véser la mòstra consacrada als culhièrs d'aicí e d'endacòm mai, d'ièr e d'ara.

Culhierons e culhièras
De culhièrs, n'i a de tota mena e aquò dempuèi l'an pebre : fan part dels 10 primièrs instruments creats per l'òme als temps pre-istorics !

Es fòl coma un objècte de la vida vidanta pòt èsser portaire d'istòria, de cultura, de cresenças, de remembres, d'inventivitat, de beutat, d'utilitat, …

Alara, i a culhièrs per l'aiga, per la sopa, pel sucre, per la sal, per la lait, per l'absinti, per las potingas, per las olivas, pels gelats, per barrejar, culhierons e culhièras, caças, … Culhièrs per manjar, culhièrs per mesurar o culhièrs per unes rites religioses (per l'encens o per benesir amb aiga de Gange !). Culhièrs pels nenons o pels enfants… Culhièrs de la naissença (d'unes ofrissián 13 culhièrs lo jorn de las batejalhas, amb dessenhats los 12 apòstols e Crist) a la mòrt (pòbles que pensan que l'anma dels mòrts s'amaga dins lo cròs dels culhièrs) passant pel maridatge (culhièrs d'Escandinavia estacats per que mangen amassa nòvi e nòvia !).

Un culhièr pòt èsser de metal (argent, fèrre, laton,…), d'origina vegetala (carabassas, fustas divèrsas), d'origina animala (banas, evòri, cauquilhatges, òsses de fòrças bèstias), umana (òsses umans dins una tribú de Caraïbas d'abans Colomb) o encara minerala (pèiras, porcelana, terralhas, …

En vos passejant d'una veirina l'autra, veiretz pas lo temps passar que daissaretz navegar vòstres sovenirs, vòstra imaginacion e vòstra set de descobèrta (www.histoiresdecuilleres.fr) …

Dires de Culhièrs
- Val mai pas de culhièr que pas de sopa (França)
- Mens i a de rimòtas (bouillie), mai i a de culhièrs (Malaisia)
- Lo camin de la culhièra a la boca es long (Alemanha)
- S'assadola pas un camèl en lo noiriguent al culhièr (China)
- Lo monde es un pairòl, l'òme es lo culhièr qu'òm i trempa (Russia)
- Existís pas de culhièr que tòque pas jamai los bòrds de la topina.

Teièras e taulas
En mai d'aquesta mòstra temporària, d'autras salas de l'abadiá son ocupadas per doas mòstras permanentas : l'una sul tè e las teièras e l'autra sus la mesa de taula de l'Edat-mejana al sègle 21.

••• Deux belles expositions à voir rapidement :
- avant le 17 septembre, au Musée du Lauragais, à Castelnaudary : «À table ! Arts et Traditions en Lauragais »
http://www.audetourisme.com/diffusio/fr/a-voir-a-faire/expositions/castelnaudary/exposition-a-table_TFOFMALAR011V50AJ8I.php

avant le 31 octobre, à l'abbaye de Belleperche (Tarn e Garonne), l'exposition « Histoire(s) de cuillères »
https://www.histoiresdecuilleres.fr/
http://www.musee-arts-de-la-table.fr/

culhièr fabricat en China per una annada del pòrc

culhièr fabricat en China per una annada del pòrc

Partager cet article

Repost 0
Published by Mirelha
commenter cet article

commentaires

Casimir-Octave Gourde 17/09/2017 09:04

Ce dimanche 17, samedi 23 et dimanche 24 septembre
à Villasavary, jardin de la Prade : exposition de courges

Carles-Aristide-Robèrt Cassona 14/09/2017 12:01

Fête de la gastronomie (Carcassonne-Agglo) :
https://quefaire.carcassonne-agglo.fr/fr/animations/fete-la-gastronomie.html

Teodòr Onesime Losa 05/09/2017 18:22

Fête de la gastronomie à Toulouse (15-17/09) :
http://m.toulouse-tourisme.com/offre/fiche/fetes-et-manifestations/a-table-autrement/FMAMID031V5092LQ

MiC 29/08/2017 20:21

j'ai pas compris les mots, mais je constate qu'il n'y a pas de crème brûlée au menu......... moi j'dis.

Mirelha 30/08/2017 11:36

Dominant l'espagnol comme tu le domines, je m'étonne que n'aies pas compris les mots de l'occitan qui est une langue latine comme les autres ! Un peu la flemme, peut-être ? Pour ce qui est de la crème brûlée, pas très moyenâgeux ! Belle et chaude journée sous le soleil parisien !

Gene 11 29/08/2017 18:40

Merci de m'informer de ce qui se passe tout près de chez moi !!!

Mirelha 30/08/2017 11:34

Effectivement, Castelnaudary et Moissac sont assez proches de Pexiora ! Bonne rentrée !

Présentation / Presentacion

  • : Le blog de Mirelha
  • Le blog de Mirelha
  • : Blog bilingue occitan-français abordant les thèmes de la cuisine, du point compté, de l'Occitanie en général...
  • Contact

Recherche / Recèrca

Albums Photos De L'atelier