Overblog Suivre ce blog
Editer l'article Administration Créer mon blog
13 janvier 2017 5 13 /01 /janvier /2017 09:15

Ivernalas de Cabardés (Puègnautièr, del 18 al 21 de genièr)

Una cabussada dins l'imaginari occitan

Las Ivernalas de Cabardés vos convidan, entre lo 18 e lo 21 de genièr, a Puègnautièr, a quatre rendètz-vos per cabussar dins l'imaginari occitan.

Lo dimècres 18 de genièr (Na Loba, 18h30), lo Teatre de las Originas presentarà sa creacion pel jove public Cap a l'aucèl-Un oiseau dans la tête. Un espectacle ont se mesclan occitan, francés e lenga dels signes per explicar e comprendre lo necessari ritme de las sasons, la corsa del temps, lo retorn de las fèstas : unes moments indispensables per s'opausar a aqueles que voldrián mestrejar e aseptizar lo temps.

Lo divendres 20 de genièr (Na Loba, 19h), plaça al cinèma amb la projeccion del documentari d'Estefan Valentin : « Tempestaires et faiseurs de pluie » que conta cossí en Pirenèus los òmes e mai que mai las femnas ensajavan de domdar lo cèl en fasent venir la pluèja e en arrestant los auratges.

Dissabte 21 de genièr (Na Loba, 19 h), Florant Mercadièr sortirà sos Contes du placard. Amb poesia e umor, lo contaire parlarà de son vilatge que sembla al nòstre, dels grilhs qu'escotan Bob Marley, del site internet dels diablotons, de las bèstias que se baton per la satisfaccion de lor talent, o la nòstra : nòstra talent grandarassa de rires e de sòmis…

En ligason amb las Ampelofoliás, un sopar convivial seguirà (20h30, sala de la Tor ; sus reservacion : 04.68.25.19.78 o ieo11@ieo-oc.org)

Las Ivernalas de Cabardés son organizadas per l'Institut d'Estudis Occitans-Aude amb lo concors del Cercle Occitan del país de Carcassona, de la Calandreta de Carcassona e del Servici Cultural de Puègnautièr, en ligason amb las Ampelofoliás de Cabardés (dissabte al ser) e amb lo sosten de la Comuna de Puègnautièr e del Conselh Departamental d'Aude.
dimècres 18, Cap a l'aucèl : participacion liura
divendres 20, film Tempestaires : dintrada : 5 € ; 2 € pels mainatges
dissabte 21 : Contes del placard : 5 € ; sopar : 15 € ; contes + sopar : 18 € (sopar sus reservacion : 04.68.25.1.78 o ieo11@ieo-oc.org)

En Cabardés, tanben : Estanquet de Fasètz la Lenga e Ampelofoliás

dimars 17, a 18h30, Ostal de Cabardés, a Argon : l'Estanquet de Fasètz la Lenga en Cabardés presentarà lo programa de la quinzenada d'animacion dels 20 ans de l'associacion (21 de febrièr al 4 de març). Dintrada liura ; participacion de 7 € al sopar que seguirà.
Los 21 e 22 de genièr, se debanan las Ampelofoliás de Cabardés :
* lo dissabte 21 :
-
de matin, a Ventenac de Cabardés, talhièr « Cosinar la trufa » (complèt)
- de vèspre (16h30), a Montoliu, Colette Olive parlarà de la cosina del rasim e de la cosina de la polarda.
- lo ser, rendètz-vos a Puègnautièr per la serada comuna amb las Ivernalas (contes e sopar ; veire çai-sus).
* dimenge 22, serà lo rendètz-vos bèl de Mossolens amb una fièra del terrador e de l'artesanat tota la jornada (l'IEO-Aude i ten taulièr), lo mercat de las trufas negras (en debuta de vèspre), un concors de recèptas trufadas, una demostracion de poda de vinha, tasta de vins (grop convidat Las « Vinifilles »), de jòcs pels enfants, las vesitas del conservatòri truficòla, la preséncia del cap-cosinièr estelat Jiròni Ryon http://www.cite-hotels.com/hotels/hotel-de-la-cite/la-barbacane/ , unes entrepans e autras sopas ont la trufa ten una plaça de primièra, una mòstra de fotografias, d'animacions musicalas asseguradas per Tonton a faim https://www.youtube.com/watch?v=j1BZiZ9SuA8 e la fanfara dels Golamàs www.goulamas-k.com/ .

Partager cet article

Repost 0
Published by Mirelha
commenter cet article

commentaires

IEO-Aude 17/01/2017 13:17

21/01 : Spectacle et souper à pennautier :
* Spectacle (Ivernalas de Cabardés) :
19h, Na Loba : Contes du placard, par Florant Mercadièr
Sur la scène de Na Loba, Florant Mercadièr sortira ses Contes du placard. Avec poésie et humour, le conteur nous parlera de son village qui pourrait être le nôtre, des grillons qui écoutent Bob Marley, du site internet des diablotins, de ces animaux qui luttent pour satisfaire leur faim, ou la nôtre : notre faim insatiable de rire et de rêve…

• 20h30, salle de la Tour : souper convivial, préparé par l’équipe culinaire de la Calandreta de Carcassona
Apéritif - beurre truffé Afogassets-burre trufat
Entrée : salade et charcuterie Dintradas : Ensalada e carnsaladariá
Joues de porc en sauce avec leurs légumes Gautas de pòrc en salsa e los legums amics
Plateau de fromage Formatges del país
Dessert Pastisson
Vins du Cabardès et carthagène Vins de Cabardés e cartagèna

• Contes : 5 € ; repas : 15 € ; contes + repas : 18 €
Réservations (nombre de places limité au repas) auprès du Cercle Occitan del País de Carcassona :
04 68 25 19 78 ou ostal.sirventes@wanadoo.fr

IEO-Aude 16/01/2017 18:49

Colette Olive présentera ses ouvrages « 36 façons d’accommoder le raisin » et « 36 façons d'accommoder la poularde », parus aux éditions Verdier, , ce samedi 21 janvier à Montolieu (Musée du Village du Livre) à 16h30, dans le cadre des Ampélofolies littéraires.

Mirelha 16/01/2017 22:54

Et c'est délicieux ! Entrée libre et beurre truffé à la fin de la présentation !

MiC 13/01/2017 14:55

boudiou, moi qui commence juste les cours d'espagnol.............. c'est quand, la crème brûlée ?

Mirelha 13/01/2017 18:35

Ceci s'appelle un bain de langue !!! En fait, j'ai deux blogs et je m'ai gourrée de blog ! La crème brûlée c'est pour.... plus tard !

Présentation / Presentacion

  • : Le blog de Mirelha
  • Le blog de Mirelha
  • : Blog bilingue occitan-français abordant les thèmes de la cuisine, du point compté, de l'Occitanie en général...
  • Contact

Recherche / Recèrca

Albums Photos De L'atelier